ПРЕОСВЯЩЕННОГО МИТРОПОЛИТА ИОНАФАНА ДУХОВЕНСТВУ И ВЕРНЫМ ТУЛЬЧИНСКОЙ ЕПАРХИИ УПЦ МОЛИТВА О МИРЕ И О ЦЕРКВИ, В ЗЕМЛЕ УКРАИНСКОЙ СУЩЕЙ
ГОСПОДИ, БОЖЕ ОТЧЕ, ВСЕДЕРЖИТЕЛЮ! ТЫ ДРЕВЛЕ СВЯЩЕННИКАМ ИЗРАИЛЬСКИМ ПОВЕЛЕЛ ВОСТРУБИТЬ, ДАБЫ С ЕДИНОВРЕМЕННЫМ ГРОМОГЛАСИЕМ НАРОДА ОБРУШИЛИСЬ НЕПРИСТУПНЫЕ СТЕНЫ ЯЗЫЧЕСКАГО ГРАДА ИЕРИХОНСКАГО! И НЫНЕ, ЕДИНЫМ ГЛАСОМ МОЛИТВЫ НАШЕЯ, ЯКО ТРУБАМИ НОВОГО ЗАВЕТА, ВЗЫВАЕМ ТЕБЕ И СО УМИЛЕНИЕМ И ПОКЛОНЕНИЕМ ПРОСИМ И МОЛИМ:
СВЯТЫЙ БОЖЕ! СОКРУШИ В НАС СТЕНЫ ОЗЛОБЛЕНИЯ, ВРАЖДЫ, НЕПРАВДЫ И БЕЗЗАКОНИЙ, СОМКНИ В ДУШАХ НАШИХ, ЯКО ИНОГДА В ЧЕРМНЕМ МОРЕ, БУШУЮЩИЯ ВОЛНЫ СТРАХОВ. НО ЛЮБОВИЮ ТВОЕЮ НАСАДИ В ДУШАХ И СЕРДЦАХ НАШИХ, ЯКО РАЙСКИЯ КУЩИ, БЛАГИЯ ЧУВСТВИЯ ЕДИНОРОДНОГО СЫНА ТВОЕГО, ГОСПОДА И БОГА НАШЕГО ИИСУСА ХРИСТА, ПО ЗАПОВЕДИ НАМ СВЯТАГО АПОСТОЛА ТВОЕГО ПАВЛА, И БЛАГИМ ТВОИМ МИЛОСЕРДИЕМ ВЗРАСТИ!
СВЯТЫЙ КРЕПКИЙ! В ЧАЯНИИ ЯВЛЕНИЯ НАМ ТВОЕГО ВЕЧНОБЛАЖЕННАГО И БЕЗПЕЧАЛЬНАГО ОТЕЧЕСТВА, ЗЕМНОЕ НАШЕ ОТЕЧЕСТВО НЕБЕСНЫМ МИРОМ ТВОИМ ПОСЕТИ И СОБЛЮДИ. ЛЮДЕМ ЖЕ БЕДСТВУЮЩИМ И СКИТАЮЩИМ, И БОЛЕЗНУЮЩИМ, И СИРОТАМ, И В ОДИНОКОЙ СТАРОСТИ СУЩИМ, СКОРО ПОМОЗИ, ГРЕШНЫХ ЖЕ И ЗАБЛУЖДШИХ К ПОКАЯНИЮ ПРИВЕДИ, И ВСЕХ НАС ПОМИЛУЙ И СПАСИ ТВОЕЮ БЛАГОДАТИЮ И ЧЕЛОВЕКОЛЮБИЕМ!
СВЯТЫЙ БЕЗСМЕРТНЫЙ! ЦЕРКОВЬ ТВОЮ СВЯТУЮ ВО ОТЕЧЕСТВЕ НАШЕМ СУЩУЮ, В БЛАГОДАТНОМ ЕДИНСТВЕ СОБЛЮДИ, ОГРАДИ Ю ОТ ПАГУБНЫХ ЕРЕСЕЙ И ОТ НЕСПАСИТЕЛЬНЫХ РАСКОЛОВ, ОБОГАТИ Ю ПРИЗВАНИЯМИ КО СВЯЩЕНСТВУ, ВЕРНЫХ СВИДЕТЕЛЕЙ ИСТИНЫ ТВОЕЙ ПОДДЕРЖИ, РАСТОЧЕННЫЯ СОБЕРИ! ДА ПРОСЛАВИТСЯ НА НЕЙ ПРЕСВЯТОЕ И ВЕЛИКОЛЕПОЕ ИМЯ ТВОЕ – ОТЦА И СЫНА И ДУХА СВЯТАГО! АМИНЬ.
