МИТРОПОЛИТ ТУЛЬЧИНСКИЙ И БРАЦЛАВСКИЙ ИОНАФАН (ЕЛЕЦКИХ). ОБ ИСТОРИИ СЛОЖЕНИЯ АКАФИСТА СУМСКОЙ ИКОНЕ БОЖИЕЙ МАТЕРИ «КОРСУНСКОЙ ПРОЗРЕННОЙ (ШПИЛЁВСКОЙ)

Чудотворная икона Божией Матери, называемая в Сумской епархии УПЦ «Корсунская прозренная», есть список с одноименной иконы Богоматери, принесенной из города Корсуни Святым Князем Владимиром, по его крещении, во град Киев, как благословение Руси Царицы Небесной. По преданию первообраз иконы был написан Святым Апостолом Лукой.

В XVIII столетии в селе Романовка Сумского уезда список сей иконы, написанный на белом железе, был прославлен Божией Матерью чудесным исцелением слепорожденной отроковицы и впоследствии был перенесен в новый храм в селе Шпилёвка, откуда и дано было народом дополнительное название «Шпилевская икона». Святую икону не раз находили сияющей небесным светом благодати на дереве вблизи Шпилевского храма и крестным ходом возвращали её назад.

В первой четверти XX столетия икона была насильственно изьята из храма советской властью и помещена в музей. Драгоценная риза иконы при этом бесследно исчезла. Во время пожара, случившегося в музее, список Корсунской иконы Божией Матери чудесным образом не пострадал. Этот случай произвел на сотрудников музея неизгладимое впечатление. Охваченные душевным трепетом, они решили возвратить святой образ в церковь. Но поскольку Шпилевская церковь была к этому времени разрушена безбожниками, икону перенесли в соборный Спасо-Преображенский храм города Сумы. И, хотя образ имел большие живописные утраты в лике Богоматери и Младенца Иисуса — из-за пожара и проржавевшего листа железа, — он в 2009 году был кощунственно похищен неизвестными.  

 К утешению православных верующих, чудотворный Шпилёвский образ много лет прикрывал собой её список, находившийся  в арочной нише, украшенной по бокам двумя малахитовыми колоннами. Без сомнения, благодатные потоки, исходившие от Корсунско-Шпилёвской иконы, за многие десятилетия пронизали этот список, который всегда почитался народом как исцеляющая второсвятыня.

По прибытии моём на архиерейское служение из Глухова в Сумскую епархию, я обнаружил, что перед Шпилёвской иконой читается общий богородичный акафист, называемый народом Благовещенским, содержание которого никак не отражает историю чудотворного «Корсунского прозренного образа». И потому мне пришло на ум сложить акафист, посвященный именно этому образу с историей его обретения.  В текст акафиста мной были включены некоторые похвальные слова и величания Пресвятой Богородице из творений древних Святых Отцов Православной Церкви. В них обнаружились подлинные перлы славословий в честь Пресвятой Девы-Богоматери, которые уложились в «радостные приветствия» икосов акафиста. А в кондаки я включил исторические сведения об исцелении слепорожённой девочки из села Романовка и упоминания событий, связанных с чудотворной иконой.  Мною также был сложен тропарь иконе, кондак и величания. Заключительной молитвой стало известное прихожанам песнопение «Царице моя преблагая».

Акафист иконе «Корсунской прозренной (Шпилёвский» малым тиражом был напечатан на Ксероксе и роздан прихожанам Сумского кафедрального собора.

По моему благословению новый акафист стали читать в сумском кафедральном соборе вместо прежнего, Благовещенского. В те времена ещё не было ограничений в составлении акафистов и применения их по благословению местных архиереев в богослужебной практике. Так много акафистов и церковных текстов написал  приснопамятный митрополит Харьковский и Богодуховский Никодим (Руснак). Мною были сложены акафисты Преображению Господню, Рождеству Пресвятой Богородицы, а также Глинской и Молчанской иконам Божией Матери, которые читаются там и поныне.

По назначении меня на Херсонскую кафедру, перед иконой Корсунской-Шпилёвской стали читать прежний Благовещенский акафист, но духовенство и народ Божий успели привыкнуть к «родному» для иконы акафисту и, когда в Сумы в 2008 году прибыл епископ (ныне митрополит) Евлогий (Гутченко), то он  оценил его словесные достоинства и возобновил его чтение в Сумском соборе, за что я ему безмерно благодарен: мой труд, как составителя акафиста, его тропаря, кондака и величания не оказался тщетным.

Акафист иконе Божией Матери Корсунской прозренной (Шпилёвский) опубликован, без упоминания имени составителя, на сайте azbyka.ru. И на некоторых приходских сайтах. Я искренне благодарю всех, кто опубликовал его для свидетельства нашего православного исповедания Богоматеринского достоинства Пресвятой, Пречистой и Преблагословенной, славной владычицы нашей  Богородицы и Приснодевы Марии!  

Ниже предлагаю его вниманию почитателей Имени Пресвятой Девы-Богородицы, к вящей славе нашего Троичного Единого Бога. Да будет так!

+ Ионафан, митрополит Тульчинский и Брацлавский Ионафан (Елецких). 

18 января 2021

Тульчин-Бершадь

++++++++++++++++++++++++++++++++++++++++++++++++++++++++++++++++++++++

АКАФИСТ

ПРЕСВЯТОЙ БОГОРОДИЦЕ

РАДИ ЧУДОТВОРНОЙ ЕЯ ИКОНЫ, ИМЕНУЕМОЙ

«КОРСУНСКОЙ ПРОЗРЕННОЙ»

(Шпилевской)

СЕЙ АКАФИСТ ЧУДОТВОРНОЙ ИКОНЕ БОЖИЕЙ МАТЕРИ, ИМЕНУЕМОЙ «КОРСУНСКОЙ ПРОЗРЕННОЙ»,

СОСТАВЛЕН НА ОСНОВАНИИ ПОХВАЛЬНЫХ СЛОВ СВЯТЫХ ОТЦОВ

ВЫСОКОПРЕОСВЯЩЕННЕЙШИМ ИОНАФАНОМ, АРХИЕПИСКОПОМ СУМСКИМ И АХТЫРСКИМ 

Кондак 1
Избранной от Господа Пречистей Госпоже и Богородице / принесем, вернии, малое сие похвальное пене / пред пречистым и чудотворным образом Ея Корсунским /. Имже слепоты душевныя избавляемии, верою покланяющеся, умильно глаголем: / «Радуйся, Благодатная, души наша спасающая и любовию к Богу исполняющая».

Икос 1
Ангели Божии, якоже предстояще им крещению князя Владимира, иже во граде Корсуни бысть, со страхом взираху на Пречистый лик Богоматери, егоже святый апостол и евангелист Лука изобрази в воспоминание земныя жизни Ея. Егоже и прият Равноапостольный от рук архиереев греческих, яко благословение Царицы Небесныя всей Земле Русской, со трепетом вопия Пренепорочней таковая: Радуйся, Дево, небесная земным соединившая, Радуйся, Мати, горняя дольним преклоньшая, Радуйся, Помазание Христово роду человеческому, Радуйся, Иордане Истинный, в раю Божием текущий, Радуйся, Венче Богосветлый Троицы Единосущныя,Радуйся, Уста Апостольская, имиже вселенная просветися, Радуйся, Начало Предвечнаго Совета Божия, Радуйся, Пределе таинственных обетований, Радуйся Благодатная, души наша спасающая и любовию к Богу исполняющая.

Кондак 2
Звезда Вифлеемская явися икона Корсунская в земле Русской, еяже свету отцы наша, аки волхвы последующе, обретоша Христа Бога нашего и поклонишася Ему, и вместо злата, ладана и смирны — веру, надежду и любовь в дар Спасу принесоша, вопия Богу: Аллилуиа.

Икос 2
Видеша людие киевстии велия чудеса, яже от иконы Корсунския, тогда же евангельским благовестием утверждении, отвратиша сердца своя от лести идольския, слышаще же глагол Христов: «Да крестятся вси во имя Отца и Сына и Святаго Духа», возрадовашеся зело о спасении своем, вопия Матери Господа Своего таковая: Радуйся, Звездо, к Богу пресветло водящая, Радуйся, Лучу Веры, во тьме мира светящий, Радуйся, Храме, в немже вернии освящаются, Радуйся, Колеснице, Еюже Единородный Сын сниде, Радуйся, Поточе, в горняя нас устремляющий, Радуйся, Слова Божия Носительнице Чудная, Радуйся, Рождение Чистое чистыя двоицы, Радуйся, Дщере, врачевством матери Своея ставшая, Радуйся, Благодатная, души наша спасающая и любовию к Богу исполняющая.

Кондак 3
Радуется днесь вся Земля Русская, имуще икону Твою, Богородице, щит и утверждение веры Православныя. Сего ради Церкви Божии изображении лика Ея покрываются, небеси подобящеся. Се и страна Сумская, приемше, яко Богосветлый Венец, икону Корсунскую, вопиет Богу: Аллилуиа.

Икос 3
Веселится духовно земля Сумская о явлении милости Богоматери: явися бо чудотворный список иконы Корсунския, светлостию Благодати Божией сияюще и исцеление дарующе. Сего ради, не умолчим никогда силы Твоя, Богородице, глаголати, яже нам бысть от Образа сего в земли нашей, да любовию и иныя привлечем вся пети Тебе таковая: Радуйся, Ризо Предивная, в Нюже Христос оболкийся, Радуйся, Лампадо Духовная, в небесех тепле светящая, Радуйся, Купино, огнем Божества неприступно объятая, Радуйся, Горнило, в Немже Спаситель от Духа искован бысть, Радуйся, Порфиро, от Анны сотканная, Радуйся, Розо, в чертозе небеснем цветущая, Радуйся, Маслина, милость миру явившая, Радуйся, яко Тобою Хлеб Жизни для всех испечеся, Радуйся, Благодатная, души наша спасающая и любовию к Богу исполняющая.

Кондак 4
Видяще Владычица иногда отроковицу чистую, иже слепа бе от рождения своего в веси Романовстей, обаче с любовию, аще и невидяще лика Богоматери, лобызающую икону Корсунскую, умилосердися над нею и исцеление очей телесных скоро подаде ей, вопиющей Богу: Аллилуиа.

Икос 4
«Блаженни невидевшие, но верующие», — рече Господь своим учеником и апостолам, Фомино неверие уверяя. Темже блаженна есть и отроковица боголюбивая, внегда воззвати ей, невидяще, с любовию Богоматери: «Слепоту очес моих отстави от мене, Пречистая, да вижу лик Твой Пресветлый, можеши бо сие сотворити, яко Мати Света Присносущнаго и Всемилостивая». Исцеление же прият совершенное, возопи, обрадованная, из глубины сердечныя таковая: Радуйся, мира непрестанная Ходатаице, Радуйся, Покрове, имже девство воистину укрывается, Радуйся, Купеле Христова, в ней же духовно прозреваемся, Радуйся, Источниче, изливший Пресладкаго Иисуса, Радуйся, Одушевленная новая скиние, Радуйся, Врачевательнице от демонов горце уязвленным, Радуйся, Херувиме Огненный, ко Древу Жизни приставленный, Радуйся, Мироварнице Божественныя благости, Радуйся, Благодатная, души наша спасающая и любовию к Богу исполняющая.

Кондак 5
Бурю внутрь помышлений сумнительных испыта отроковица боголюбивая, егда в видении соннем явися ей Пречистая, глаголющая: «Да пребудет икона моя, от неяже прозрели очи твои, в церкви веси Шпилевстей: благодать бо Моя не токмо тебе, обаче и всем людем бысть, во спасение поющих Богу: Аллилуиа».

Икос 5
«Да не станет светильник тай, но да светит всем человекам», — глаголет Господь. Сего ради и икона Корсунская, аще и принесена бысть в церковь Шпилевскую, обаче Божиим промыслом возсия на древе, светом благодати сияюще. Видяще же ю людие, Отца, Иже есть на небесех, славяще, возопиша Богородице таковая: Радуйся, Зерцало Святости, образ Божий являющее, Радуйся, Псалтире, достойно Христа ублажающая, Радуйся, Зоре Утренняя, вечер греху предвещающая, Радуйся, Крыло Ветренное, Имже Спас-Облак прииде, Радуйся, Дуго, от земли к небесам восходящая, Радуйся, яко Агница, во чреве Анны упасшаяся, Радуйся, Ветве Красная, яже процвела Христа плотию, Радуйся, Чаше Святая, Пресвятых Даров Божиих, Радуйся, Благодатная, души наша спасающая и любовию к Богу исполняющая.

Кондак 6
Ковчег устрои древле Ной велением Божиим потопа ради, на немже и спасен бысть сей и весь дом его. Обаче и ныне яви Господь милосердие Свое стране Сумстей иконою Корсунскою: еюже бо от потопа грехов избавляемся, в покаянии вопиюще Богу: Аллилуиа.

Икос 6
На древе возсия икона Богоматери людем Шпилевстим, исцеление верным обильно подающе, обаче и нас, душевно ослепленных, просвети, Пречистая, Светом Сына Твоего и Бога нашего, да зовем Ти таковая: Радуйся, духовных очей Просвещение, Радуйся, воплощения Божия Преславное Сокровение, Радуйся, Земле Неоранная, Христа миру прозябшая, Радуйся, Небо Умное, из Негоже всем верным спасение бысть, Радуйся, Скиптре Пресветлый в руце Царя царствующих, Радуйся, Рабо Смиренная Господа господствующих, Радуйся, Гнездо Голубицы, от Духа Орла приявшее, Радуйся, обновление рождеством Своим всем возвестившая, Радуйся, Благодатная, души наша спасающая и любовию к Богу исполняющая.

Кондак 7
Мудрецы неверующия недоумевают о Тебе, Богородице: «Како может икона Твоя исцеление подавати верным?» Мы же, ведуще Писание, яко и тень апостола Петра исцеляше приходящих к нему, почитаем лик Твой, Пречистая, вопиюще Богу: Аллилуиа.

Икос 7
Образ Твой почитаем, Богородительнице Чистая, чести ради, якоже и святый Иоанн, иже из Дамаска града, глаголет: «Честь бо, иконе воздаваемая, на ея Первообраз восходит». Сего ради лик Твой, Святая, видяще, зрим Тя, якоже яве на небесех Предстоящую, вопия о Тебе таковая: Радуйся, Святый лик Свой изобразити изволившая, Радуйся, яко зряще Тя, вернии радуются, Радуйся, Ключу Веры, имже Двери Райския отверзаются, Радуйся, Дне Покоя Блаженнаго, в немже Единородный почи, Радуйся, яко Илиа от ангел на небеса Вознесенная, Радуйся яко Мати Божия тамо от Бога Венчанная, Радуйся, Точило, имже Вино Безсмертия источися, Радуйся, Воеводо ангельскаго воинства, Радуйся, Благодатная, души наша спасающая и любовию к Богу исполняющая.

Кондак 8
Егда услыша Царь Александр Свободитель, како прославися в земле Слободской образ Богоматери Корсунския, тогда повеле из града Петрова: Да творят вси людие перенесение ежелетно честнаго образа из церкви Шпилевской в соборный храм града Сумы до третиего дне восстания Сына Божия, от Девы плотию возсиявшаго, и да поют Ему, яко Победителю смерти, песнь сугубую о Тебе, Богородице: Аллилуиа.

Икос 8
Ризою светлою от камений драгих одеяся икона Корсунская от людей благочестивых. Обаче, паче сих, благодатию Божиею украшается икона явленная, сего ради вопием Богородице таковая: Радуйся, благодатию Божиею преукрашенная, Радуйся, яко икона Корсунская нам милости Твоея бысть явление, Радуйся, Ходатаица у престола Всевышняго, Радуйся, Помощнице в жизни сей временней, Радуйся, многосветлая Свеща, от Света Міра возженная, Радуйся, Правило веры и Благочестие истинное, Радуйся, Соцарствующая Сыну Своему и Богу нашему, Радуйся, Плененная от Духа Свята Своею волею, Радуйся, Благодатная, души наша спасающая и любовию к Богу исполняющая.

Кондак 9
Паде денница с высоты небесныя, егда завистию объят бе к славе Божией. Обаче внуши людем неверным замыслити на Господа и на Христа Его и Славу Богоматери умалити. Иже взяша икону Ея Корсунскую в пленение тесное и совлекше ризы с нея, на позор мирской выставляше, не ведающе пети Богу: Аллилуиа.

Икос 9
Се паки оружие пройде сердце Твое, Богородице, егда от Престола Божественнаго, идеже ангельский Собор и Сонм новомученик Тя прославляют велелепно, узрела еси лик Свой во иконе Корсунской от соборища богоборнаго уничижаем, обаче, таковому о нас долготерпению дивящеся, покланяемся иконе Твоей, Непорочная, и вопием Ти таковая: Радуйся, о чадех заблуждших горце Скорбящая, Радуйся, поругание нечестивых кротко Приемшая, Радуйся, смирению Сына Своего сим Поревновавшая, Радуйся, страдания душевныя и слезы Испытавшая, Радуйся, Рабо Молчаливая, пред мучители ликом Своим Предстоявшая, Радуйся, яко оружие сердце Твое тем паки пройде, Радуйся, за грешники Сыну Своему мольбу Приносящая, Радуйся, Любове Всемирная, любовию нас не оставльшая, Радуйся, Благодатная, души наша спасающая и любовию к Богу исполняющая.

Кондак 10
Уязвление лика Пречистыя Матери Своея не терпяще от безбожных видети, пролия Господь гнев Свой на дом позорищный, в нем же икона Корсунская в пленении бысть: огнем попали истуканы мирския и советы лукавых разори. Икона же Корсунская, аки купина вторая, огнем опаляема, незгараше, неверныя сим устрашающе, верным же сиянием благодати блистающе, вопиющим о сем Богу: Аллилуиа.

Икос 10
Яко светоносный облак благодати явися паки икона Твоя, Владычице, во граде Сумстем, пленению скончавшуся: сия бо неверия мрак отгоняюще, сердца наша к Богу возводит, вопиющим же таковая: Радуйся, христиан православных Верная Защитнице, Радуйся, Разорение Скорое злоумышлений неверных, Радуйся, Мрежо, еюже Царствие нам уловляется, Радуйся, Пажите Тучная, на нейже Христос возлеже, Радуйся, Пристане Тихая в море житейских попечений, Радуйся, Безплотное Слово во плоти Явившая, Радуйся, Безлетнаго Сына в вертепе Родившая, Радуйся, служения идольскаго нас Свободившая, Радуйся, Благодатная, души наша спасающая и любовию к Богу исполняющая.

Кондак 11
Огнь Божества прияла еси Дева, пребыв нетленна. Ныне же тернии души моея попали, Пречистая, огнем Благодати Твоея. Да стану и аз, якоже Моисей, в Земле Святей ногама моима, вопия чистым сердцем песнь Богу: Аллилуиа.

Икос 11
О Торжество светлое, о празднество новое в стране Сумстей: перенесение в Соборную церковь Спаса Преображения иконы Богоматери Корсунския. Егоже, яко на Фавор Новый, архиереи и священницы, монаси и бельцы прияша, и с пении духовными и хоругви множества обстояху святый лик Твой, Пречистая, Божественную службу Безкровныя Жертвы Христовой совершающе, и вопиюще Ти таковая: Радуйся, заповедей Божиих Исполнение, Радуйся, православия истиннаго Истинное Исповедание, Радуйся, Надеждо ближайшая воскресения вечнаго, Радуйся, Благословение Божие священству новому, Радуйся, Фаворе мысленный, на немже Христос возсия, Радуйся, яко Плод чрева Твоего благословен еси, Радуйся, Подателя Закона в Себе Приявшая, Радуйся, яко превыше небес Возлетевшая, Радуйся, Благодатная, души наша спасающая и любовию к Богу исполняющая.

Кондак 12
Всяк возраст и чин ублажает Тя, Пресвятая Дево: Мати бо Жизни истинныя явилася еси. Ты же, о Царице Небесная, приими моления раб твоих, поклоняющихся честно иконе Твоей Корсунской и любовию вопиющих Богу: Аллилуиа.

Икос 12
О, како достойно воспети Тя, Богородице? Кий дар принести от скудности духовныя: Еже бо прияла еси дар многоценнейший от Бога — Единородное Слово Отчее? Обаче, о Мати Безневестная, Сама подаждь нам с высоты силу воспети Ти паки песнь, вопия таковая: Радуйся, Солнца Праведнаго Первое Сияние, Радуйся, Начаток Истинный Христова делания, Радуйся, Вместилище Пространное Бога Невместимаго, Радуйся, Ложе Непорочное Божественнаго воплощения, Радуйся, Престоле Божий, Емуже предстоит Собор Святых, Радуйся, Эдеме Небесный, от Духа устроенный, Радуйся, Ликование Вечное ангельскаго воинства, Радуйся, Ублажение Присное рода христианского, Радуйся, Благодатная, души наша спасающая и любовию к Богу исполняющая.

Кондак 13
О, Пресвятая Госпоже и Дево Богородице, Вышняго Господа и Бога нашего Мати! Ты, аще и у Престола на небесех предстоиши, обаче глас отроковицы боголюбивыя, пред иконою Твоею Корсунскою моление теплое приносящую, услышала еси. Тако и наше малое моление сие услыши и скоро просвети светом благодати Твоея, да в радости духовней воспоем Творца всех Бога, вопия ему: Аллилуиа.

[Этот кондак читается трижды, затем икос 1 и кондак 1].

По окончании читается или поётся сия молитва «Царице моя преблагая».

Тропарь

Творение архиепископа Сумского и Ахтырского Ионафана

Яко венцем богосветлым украшается Сумский град / пречестною и чудотворною иконою Твоею, Владычице, / иже, сияющее лучи благодати божественныя, / слепоты душевныя и телесныя верныя свобождает, / темже, Дево чистая и пренепорочная, / осияй и нас светом Сына Твоего и Бога нашего, / во еже спасти души наша /.

Кондак

Творение архиепископа Сумского и Ахтырского Ионафана

Пречистый Твой образ Косунский, Владычице, видящее, / духовно зрим Тя, якоже яве, / сердцем и усты исповедуем Тя Богородицу воистину, / и любовию поклонение Ти приносим, / спасай нас присно молитвами Твоими Сыну Твоему и Богу нашему, / яко предстательница и покров еси рода христианскаго.

Величание  

Творение архиепископа Сумского и Ахтырского Ионафана

1. Величаем Тя, / Пресвятая Дево, / богоизбранная Отроковице, / и чтим образ Твой святый, / его же граду Сумскому, / яко покров даровала еси.

2. Величаем Тя, / Пресвятая Дево, / богоизбранная Отроковице, / и чтим образ Твой святый, / имже слепоты духовныя и телесныя избавляеши / и души наша к Богу приводиши.

Величание общее

Достойно есть величати Тя, Богородице, / честнейшую херувим и славнейшую / без сравнения серафим.

Церковная память иконе Божией Матери «Корсунской прозренной» (Шпилевской) совершается на третий день Святой Пасхи, а также ежегодно 22 октября.